Мұздиман Балауса Ғабитқызы мен кездесу

2023 жылы желтоқсан айының 26 күні сағат 10:00 де Т.Бокин атындағы №41 орта мектеп акт залында, бокстан әлем чемпионы, Қазақстан Республикасының 4 дүркін чемпионы жерлесіміз @muzdi_______ Мұздиман Балауса Ғабитқызы ауылдың жастарымен кездесті. Іс-шараның басты мақсаты жастарды спортқа қызықтырып, баулу және болашақ ұрпақтың салауатты өмір салтын ұстануға бағыт, бағдар беру. Іс-шара барысында Округ әкімі Омаров Төлеген Әнуарбекұлы Балауса Ғабитқызының спорт саласында жеткен жетістіктеріне тоқталып, құттықтап сәттілік тілеп, бүгінгі кездесудің маңыздылығын атап өтті. Оқушылар әлем чемпионына қызықты сұрақтарын қойып, жауаптарын алып мәз мейрам болды. Балауса Ғабитқызы Ақши спорт кешенінде боксқа және қазақша күреске қатысып жүрген оқушыларға сәттілік тілеп, жеңісті күндер тілеп, барлық жасөспірімдерді спортпен шұғылдануға шақырды.