9 мамыр Ұлы Жеңіс күні

Т.Бокин атындағы № 41 орта мектебінде 7 мамыр Отан қорғаушылар күні және 9 мамыр Ұлы Жеңіс күніне орай іс-шаралар жоспары құрылып бекітілді. Жоспар бойынша келесі іс-шаралар өткізілді: Мектеп Парламенті мүшелері атаулы мерекеге орай құттықтау жолдады. Мерекеге сай дайындық, безендіру жұмыстары жүргізілді. Мектеп кітапханашысы М.Данабаева "Ер жігіт - ел қорғаны" атты кітап көрмесін ұйымдастырды. «Жеңіс туы желбірей берсін» шығарма байқауы мамырдың 03 күні 9-10 сынып оқушылары арасында қаза тілі мен әдебиеті пәнінің мұғалімі А.Нұртілеудің ұйымдастыруымен өткізілді. Мамырдың 4-5 күндері аралығында «Ерлік — ұрпаққа мұра», «Біз Отан қорғаушылармыз», «Еркін елдің ұланымыз» тақырыбында ерлік сабақтары 2-5 сынып оқушылары арасында өткізілді. Ерлік сабақтарына 120 оқушы қамтылды. Мамырдың 05-06 күндері аралығында «Желбірей бер,Жеңіс туы,мәңгілік!» Ұлы жеңіс күніне арналған сурет байқауы өткізілді. Сурет байқауына 22 оқушы қатысып, үздік салынған суреттердің авторлары марапаттауға ие болды. Мамырдың 05 күні 9 А сынып жетекшісі А.Иткараева «Ерлік даңқы ешқашан да өшпейді» тақырыбында ерлік сағатын өткізді. Сынып сағатына 16 оқушы қамтылды. Шараның мақсаты: білім алушыларға патриоттық тәрбие бере отырып, өз елін, жерін қастерлейтін саналы да парасатты елжанды-ұлтжанды азамат етіп тәрбиелеу. 5 Б сынып жетекшісі Ғ.Байжанова, 7 А сынып жетекшісі З.Жұмабаеваның ұйымдастыруымен мамырдың 05 күні "Ерлікке мың тағзым" тақырыбында мерекелік кеш өткізілді. Аталған шара барысында оқушыларға Ұлы Отан соғысы туралы мағлұматтар берілді. Қазақстандықтардың Ұлы Жеңісті жақындатуға қосқан үлестері туралы, қазақтың батырлары туралы көптеген мәліметтер алды. Шараға 66 оқушы қамтылды.