«Әділетті Қазақстанның экономикалық бағдары»

Т.Бокин атындағы № 41 орта мектебі ұжымында 1 қыркүйек күні Қазақстан Республикасы президенті 2023 жылғы 1 қыркүйектегі «Әділетті Қазақстанның экономикалық бағдары» жолдауын талқылау бойынша отырысы өткізілді. Отырысты мектеп директоры Ф.Байгонусова ашты. Талдау барысында тарих пәнінің мұғалімі Адилова А.А сөз алып, жолдаудың келесі пунктіне тоқталды: «Электр қуаты, жылу және су, жалпы энергетиканы тиімді пайдалануға және басқа да ресурстарды үнемдеуге қатысты нақты нормативтік талаптарды біртіндеп енгізу қажет» және біз, ұстаздар қауымы бала тәрбиелеуде осы мәселелерді бойына сіңдіруіміз қажет, білім алушыларға үнемшілдікке тәрбиелеуіміз қажет деп өз сөзін қорытындылады.
Мектеп басшысы Ф.Байгонусова жиынға қатысушыларды Президентіміздің жолдауында белгіленген өзге де міндеттер мен мақсаттарды қолдай отырып, жан-жақты дамытуға ат салысуға шақырды.